我一直都覺得自己是幸運的，身邊遇到的行家、客人，對我都很好，所以除去當攝影是生意這一環節來看，工作是十分十分開心的，就像今天，一連幾天的工作，加上之前因意外後而要包著隻腳，行動很慢、不能跪下拍照的開工，仍無減我工作時的喜悅，在工作中遇到相識的行家，在拍攝時拍到美麗的相片，在送客後，得到客人的讚賞、種種，都是每天工作所期待的！
今晚其實很倦很倦了，自己本想update個blog，可惜太倦了，揀了相又沒時間再詳談該次婚禮所遇.....，但我通常都會在連續數天的工作後，情緒特別高漲！所以想和大家寫些東西分享，祇是今晚很倦，但又不想睡！傻傻的，自己也不太知自己想寫甚麼，祇好想到那就寫吧！
又記得好幾次有人問我，個Blog內的文字是否我自己寫的，我說，英文我可不太好，但中文呢，我想我還是能應付的，而且我想個人的感想，祇有自己才最清楚呢。
好了，之後又要連續開幾日工了，而且要和一些自己不想夾的攝影師工作，希望不要給人"喝"啦，因知道該位大師(幾萬銀影Group photo的大師)很喜歡鬧人！也希望自己如果比人話會沉得住氣啦！
講下東講下西的，其實很多野想講，但看來太倦了，十二月中會好些嗎？不太知道呢，應承你們啦，有時間一定會update相片和大家分享的，因最近的工作也頗開心，都能做到自己想要的！最後想說的是其實我心裡是想把所有客人的相都放上來的，有些人會以為我揀出來的，其實總會有些工作是自己特別滿意的，但這不是我揀出來放上Blog的原因，我是很隨機的揀出來的，就像這張相，我又到了果欄拍照了，果然是特別的地方，很好玩呢！會盡快放其他相和大家分享！
遲些再和大家談！要回家睡了！GoGoGo
文章
10 則留言:
對對對... 每一篇都是老闆自己動筆的！
Fanny大都不在場，很難代筆的噢！
~ Fanny
老友…你無事麻？「見」到你話自己遇到意外，真係有d擔心喎。仲好似整親隻腳？希望你可以快d復原啦﹗你屋企人無事麻？如果真係頂唔順就要休息下，唔好死頂呀﹗雖然今個月一定係超忙，但如果真係唔掂的話，我幫你取消左下星期一的job啦﹗哈哈…比你可以休息多一日﹗
希望你早日康復及所有黑氣遠離你啦﹗Take care!
~ 肥寶
Law記
希望您同"那"個收幾萬蚊既大師合作得黎，如果有咩唔開心就打比我同mabel，我地會即時趕黎給您支持的XDD
DM
Law kei,
I hope you will recover very soon. If there is anything you want to share, please feel free to give me a ring. I feel tired nowadays from both of my jobs. Will give you a call sometime to chat. :(
Ken(UK)
Hi Lawrence,
你整親腳牙? 有無事呀? 多啲休息呀!
~Linda / Ron
Lawrence,
你都可以做"喝"人0個個,點解要比人"喝"??!!如果係佢唔尊重你, 咪鬥唔尊重lor!!!!用你個肚頂開佢!!
好多謝大家關心，腳冇事啦，係有D動作不便，thanks all
而影相那天，沒甚麼的，各有各做啦，其實當日有四個不同攝影公司拍照，大家可想會多混亂，hehe，都係果句，各有各做啦！hehe
保重身體呀 :)
其實有時我都覺得我0地幾似"成龍", 下下都要親身上陣又冇得好似d 街舖咁可以用替身, 所以平時就算有波打都唔會好似以前後生咁0訓身. 因為client 真係欣賞你而找你幫手, 其實真係好大責任.
今次從你的意外令我亦有所得著, 你處理得好好好. 使我知道應該如何令客人放心同開心.
祝早日康復
HELLO Lawrence,
我好多朋友都係搵你影相的, d相真係非常之靚! 之前同你提過想搵你影一輯婚紗相, 唔知今次expo你會唔會在場呢??
早日康復呀!!! take care
carmen
Hi Lawrence,
相信我們一眾同業，本月的希望就是千萬不要病、不要工作中受傷，祝你早日康複啦！
E.....下次想找你是不是去果欄會容易D呢？呵呵！
聖誕快樂！
Frankie
發佈留言